Nanguna sina Mayor John Rey Tiangco at Congressman Toby Tiangco sa pagbabasbas at pasinaya ng bagong open space/riverwall sa Brgy. Sipac-Almacen at inayos na mga daan at kanal sa Champaca at Goldrock St. sa Brgy. San Roque.

Kasama rin sa seremonya sina Vice Mayor Clint Geronimo; Konsehal Ethel Joy Arriola-Mejia, Alvin Nazal, Arnel Lupisan, at Neil Cruz; Association of Barangay Captains-Navotas President, Ricky Gino-Gino, at Punong Barangay Tito Sanchez, Ernan Perez at Margarita Limbaro; Junior Chamber International–Navotas Chapter President, Migi Naval; at mga city department head.

Sa kanyang talumpati, pinaalalahanan ni Mayor Tiangco ang mga Navoteño na maging mapagmalasakit sa kanilang kapaligiran at ugaliin ang tamang pagtatapon ng basura.

“Hangad natin na ang bawat pamilyang Navoteño ay magkaroon ng malinis, ligtas at maayos na pamayanan pero kailangang magtulungan tayo para maisakatuparan ito,” aniya.

“Maging disiplinado at ituro ito sa inyong mga anak. Ugaliin ang tamang pagtatapon ng basura. Iwasang magtapon ng kalat sa mga daan at kanal para hindi ito maging dahilan ng pagbaha,” dagdag niya.

Kasama sa flood control and mitigation system ng Navotas ang mga coastal dike at riverwall, pati na ang mga inayos na drainage canals at mga pumping station.

source: https://www.facebook.com/notes/navote%C3%B1o-ako/riverwall-mga-daan-pinasinayaan-sa-navotas/2443570829003211/

The post Riverwall, Mga Daan Pinasinyaan sa Navotas appeared first on Toby Tiangco.

Ang nabanggit na mga sasakyang-pandagat ay gagamitin upang protektahan ang katubigan ng Pilipinas laban sa iligal na pangingisda at iba pang mga aktibidad tulad ng seaborne research, disaster relief at rescue operations.

Sinaksihan nina Agriculture Secretary Emmanuel Piñol, Defense Secretary Delfin Lorenzana, BFAR Director Eduardo Gongona, Magdalo Representative Gary Alejano, Congressman Toby Tiangco at Mayor John Rey Tiangco ang seremonya.

Sa kanyang talumpati, ipinagmalaki ni Mayor Tiangco ang galing ng mga Navoteño at ipinabatid ang umuunlad na industriya ng paggawa ng mga sasakyang-pantubig o shipbuilding sa Navotas.

“Ang mga barkong ito ay bunga ng galing at kasanayan, at pagiging malikhain at maparaan ng mga Navoteño. Ang ating mamamayan ang tunay na lakas at kayamanan ng ating lungsod,” aniya.

“Noong ako pa ang namumuno sa Metro Manila Shipyard Association, marami akong napuntahang mga shipbuilding at ship-repair convention. Buong pagmamalaki kong masasabi na ang dalawang bagong MMOV’s na ito ay kasing-ganda ng kalidad sa mga barkong gawa sa ibang bansa,” pagdaragdag niya.

Samantala, bukas naman si Congressman Tiangco sa plano ng administrasyong Duterte na magkaroon ng mas marami pang barko na magbibigay-proteksyon sa katubigan ng bansa.

Ayon sa mambabatas, maraming Navoteño ang makikinabang kung matutuloy ang proyektong ito, kung saan lokal na industriya ang magsu-supply ng mga MMOVs.

“Buo ang aming suporta sa hangarin ng pamahalaan na mapangalagaan at maprotektahan ang ating mga karagatan, at gagawin namin ang aming makakaya upang makatulong sa pag-iingat ng ating mga katubigan at pangisdaan,” ani Congressman Tiangco.

Ang Navotas ang itinuturing na fishing capital ng bansa. Matatagpuan din rito ang 29 na mga kompanyang gumagawa o nagkukumpuni ng mga barko, at nagbibigay ng mga serbisyong tulad ng shipyard at dry-docking.

Sinimulan ng Josefa Slipways ang paggawa sa mga barko ng BFAR, na ngayo’y pinangalanan ng MMOV Lapu-lapu at MMOV Francisco Dagohoy, noong Enero 2016.

Ang dalawang sasakyang-pandagat ay nakahandang ikomisyon sa Oktubre at magkakaroon simbolikong paglalayag sa West Philippine Sea, Philippine Rise at Sulu Sea.

article source: https://www.facebook.com/notes/navoteño-ako/2-bagong-barko-ng-bfar-gawang-navoteño/1874535899240043

The post 2 Bagong Barko ng BFAR, Gawang Navateño appeared first on Toby Tiangco.